கெப்டனின் கட்டுப்பாட்டை இழந்த கப்பல் 11 பேரை காப்பாற்றிய கடற்படை

கொழும்புத் துறைமுகத்தின் 11.6 ஆவது மைல் தொலைவில் உள்ள கடல் பிரதேசத்தில் நேற்று (26) அதிகாலை விபத்துக்குள்ளான ´முதா பயனியர்´ எனும் வணிக கப்பலில் இருந்த கெப்டன் உட்பட 11 பேர் பாதுகாப்பான முறையில் காப்பற்றப்பட்டுள்ளனர். 

இவர்களை இலங்கை மேற்கு கடற்படைக்கு சொந்தமான அதிவேக தாக்குதல் படகின் குழுவினர் காப்பாற்றியுள்ளதாக தெரிவிக்கப்படுகின்றது. 

டொமினிக் குடியரசிற்கு சொந்தமான குறித்த வணிகக் கப்பல் கெப்டனின் கட்டுப்பாட்டை இழந்து இடது பக்கமாக சரிந்துள்ளதாக கடற்படையினருக்கு தகவல் கிடைத்துள்ளது. 

அதனடிப்படையில் உடனடியாக செயற்பட்ட கடற்படையினர் குறித்த கப்பலை நோக்கி வேக தாக்குதல் படகுகள் இரண்டை அனுப்பியுள்ளனர். 

அதன் பின்னர் வேக தாக்குதல் படகுகளின் மூலம் கப்பலில் இருந்தவர்களை பாதுகாப்பான முறையில் கொழும்பு துறைமுகத்திற்கு அழைத்து வர நடவடிக்கை எடுக்கப்பட்டுள்ளது. 

இவ்வாறு காப்பாற்றப்பட்டவர்களில் 10 இலங்கையர்களும் ஒரு இந்தோனேசிய நாட்டவரும் இருந்ததுடன் கப்பலின் கெப்டனாக இலங்கையர் ஒருவரே கடமையாற்றியுள்ளார். 

இதேவேளை குறித்த கப்பலின் உரிமையாளர் இந்தியர் ஒருவர் என்பதுடன் காப்பற்றப்பட்டவர்களை துறைமுக பொலிஸாரிடம் ஒப்படைக்க கடற்படையினர் நடவடிக்கைகளை மேற்கொண்டு வருகின்றனர்.கடற்படையினரால் காப்பற்றப்பட்ட 11 பேர்
கெப்டனின் கட்டுப்பாட்டை இழந்த கப்பல் 11 பேரை காப்பாற்றிய கடற்படை கெப்டனின் கட்டுப்பாட்டை இழந்த கப்பல் 11 பேரை காப்பாற்றிய கடற்படை Reviewed by Vanni Express News on 6/27/2018 01:24:00 AM Rating: 5