வேன் வீதியை விட்டு விலகி 150 அடி பள்ளத்தில் பாய்ந்து விபத்து

-க.கிஷாந்தன்

லிந்துலை பொலிஸ் பிரிவுக்குட்பட்ட தலவாக்கலை டயகம பிரதான வீதியில் திஸ்பனை பகுதியில் இன்று நள்ளிரவு சிறிய ரக வேன் ஒன்று வீதியை விட்டு விலகி 150 அடி பள்ளத்தில் பாய்ந்து விபத்துக்குள்ளாகியதில் அதில் பயணஞ் செய்த சாரதியும் மற்றொருவரும்  கடும்காயங்களுக்குள்ளாகி நுவரெலியா மாவட்ட வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

கொழும்பு பகுதியிலிருந்து டயகம பகுதியை நோக்கி சென்று கொண்டிருந்த வேனே இவ்வாறு விபத்துக்குள்ளாகியுள்ளது. இவ்விபத்தில் காயமடைந்தவர்கள் முதலில் லிந்துலை வைத்தியசாலையில் அனுமதிக்கப்பட்ட பின்னர் மேலதிக சிகிச்சைக்காக நுவரெலியா மாவட்ட வைத்தியசாலைக்கு மாற்றப்பட்டுள்ளனர்.

வாகன சாரதிக்கு வாகனத்தை கட்டுப்படுத்த முடியாததன் காரணமாக இவ்விபத்து இடம்பெற்றுள்ளதாக பொலிஸார் தெரிவித்தனர்.

இவ்விபத்து தொடர்பான மேலதிக விசாரணைகளை லிந்துலை பொலிஸார் மேற்கொண்டு வருகின்றனர்.
வேன் வீதியை விட்டு விலகி 150 அடி பள்ளத்தில் பாய்ந்து விபத்து வேன் வீதியை விட்டு விலகி 150 அடி பள்ளத்தில் பாய்ந்து விபத்து Reviewed by Vanni Express News on 6/24/2018 04:02:00 PM Rating: 5