FIFA 2018 - நாக்-அவுட் சுற்றுக்கு முன்னேறிய அர்ஜெண்டினா

உலக கிண்ண கால்பந்து தொடர் போட்டிகள் ரஷ்யாவில் நடைபெற்று வருகிறது. நேற்று நான்கு லீக் போட்டிகள் நடைபெற்றது. 

முதல் லீக் போட்டியில் பெரு, அவுஸ்திரேலியாவை வீழ்த்தியது. டென்மார்க், பிரான்ஸ் அணிகளுக்கு இடையேயான இரண்டாவது லீக் போட்டி சமநிலையில் நிறைவடைந்தது. 

இதை அடுத்து மூன்றாவது லீக் டீ பிரிவில் இடம்பிடித்துள்ள அர்ஜெண்டினா, நைஜீரிய அணிகள் மேதின. 

இரு அணிகளும் இந்த போட்டியில் வென்றாக வேண்டும் என்ற கட்டாயத்துடன் களமிறங்கின. அர்ஜெண்டின அணியின் தலைவர் மெஸ்சி முதல் இரண்டு லீக் போட்டிகளில் ஒரு கோல் கூட அடிக்காமல் ரசிகர்களுக்கு ஏமாற்றம் அளித்தார். இதனால் இந்த போட்டியில் அவர் மீதான எதிர்பார்ப்பு சற்று அதிகமாகவே இருந்தது. 

இப்போட்டி தொடங்கியதில் இருந்தே அர்ஜெண்டின வீரர்கள் பந்தை முடிந்த அளவு தங்கள் வசமே வைத்திருந்தனர். 14 வது நிமிடத்தில் அர்ஜெண்டின அணிக்கு ஒரு வாய்ப்பு கிடைத்தது. அந்த வாய்ப்பில் மெஸ்சி சிறப்பான முறையில் ஒரு கோல் அடித்தார். இதனால் ரசிகர்கள் ஆரவாரம் செய்தனர். 

அதன்பின், முதல் பாதி நேர ஆட்டத்தில் இரு அணியினரும் கோல் அடிக்கவில்லை. இதனால் அர்ஜெண்டினா 1-0 என முன்னிலை வகித்தது. 

தொடர்ந்து நடைபெற்ற இரண்டாவது பாதிநேர ஆட்டத்தின் 51 வது நிமிடத்தில் நைஜீரியா அணிக்கு பெனால்டி வாய்ப்பு கிடைத்தது. அந்த வாய்ப்பில் நைஜீரியா வீரர் விக்டர் மோசஸ் கோல் அடித்தார். இதனால் ஆட்டம் 1-1 என சமனானது. 

அதன்பின் 87 வது நிமிடத்தில் அர்ஜெண்டினா வீரர் மார்கஸ் ரோஜோ கோல் அடித்தார். இதனால் அர்ஜெண்டினா அணி 2-1 என முன்னிலை பெற்றது. 

அதன்பின் எந்த கோலும் அடிக்கப்படாததால் அர்ஜெண்டினா அணி 2-1 என்ற கோல் கணக்கில் வெற்றி பெற்றது. 

முன்னதாக நடந்த மற்றொரு ரி பிரிவு ஆட்டத்தில் குரோசியா அணி ஐஸ்லாந்தை வீழ்த்தியது. இதனால் இந்த பிரிவில் இரண்டாவது இடத்தை பிடித்த அர்ஜெண்டின அணி நாக்-அவுட் சுற்றுக்கு தகுதிப்பெற்றது.FIFA 2018 - நாக்-அவுட் சுற்றுக்கு முன்னேறிய அர்ஜெண்டினா
FIFA 2018 - நாக்-அவுட் சுற்றுக்கு முன்னேறிய அர்ஜெண்டினா FIFA 2018 - நாக்-அவுட் சுற்றுக்கு முன்னேறிய அர்ஜெண்டினா Reviewed by Vanni Express News on 6/27/2018 11:36:00 PM Rating: 5