haiiii

கொழும்பு காலிமுகத்திடலில் நாளை 71 ஆவது தேசிய சுதந்திர தின வைபவம்

இலங்கையின் 71 ஆவது தேசிய சுதந்திர தின வைபவம் கொழும்பு காலிமுகத்திடலில் நாளை (04) காலை இடம்பெறவுள்ளது. 

விசேட அதிதியாக மாலைதீவு ஜனாதிபதி இப்ராஹிம் மொஹமட் சாலி மற்றும் அவரது பாரியாரும் கலந்துகொள்ள இருப்பதாக அமைச்சர் வஜிர அபேவர்தன தெரிவித்துள்ளார். வெகு விமர்சையாக கொண்டாடப்படுவதற்கான சகல ஏற்பாடுகளும் பூர்த்திச்செய்யப்பட்டுள்ளன. 

நேற்றைய தினம் முப்படையினரின் இறுதி ஒத்திகை நிகழ்வுகள் நடைபெற்றன. இம்முறை சுமார் ஐயாயிரத்திற்கும் அதிகமான முப்படைவீரர்கள் கலந்து சிறப்பிக்கின்றனர். 

இதில் சுமார் 3872 இராணுவ வீரர்கள், சுமார் 891 கடற்படை வீரர்கள், சுமார் 907 விமானப் படைவீரர்கள், சுமார் 600 பொலிஸார், 523 பொலிஸ் விஷேட அதிரடிப் படையினர், சுமார் 596 சிவில் பாதுகாப்பு படைவீரர்கள் மற்றும் 100 தேசிய இளைஞர் படையினர் இந்த தேசிய தின மரியாதை அணிவகுப்பில் கலந்து சிறப்பிக்கவுள்ளனர். 

பிரதமர் ரணில் விக்கிரமசிங்க, சபாநாயகர் கரு ஜயசூரிய, எதிர் கட்சித் தலைவர் மஹிந்த ராஜபக்ஷ, பிரதம நீதியரசர் நளின் பெரேரா, உள்நாட்டு அலுவல்கள் அமைச்சர் வஜிர அபேவர்தன, மேல் மாகாண ஆளுநர் அஸாத் ஸாலி உட்பட அரசாங்கத்தில் அங்கம் வகிக்கும் அமைச்சர்கள், இராஜாங்க அமைச்சர்கள், பிரதி அமைச்சர்கள், பாராளுமன்ற உறுப்பினர்கள், மாகாண ஆளுநர்கள், முதலமைச்சர்கள், உள்நாட்டு, வெளிநாட்டு தூதுவர்கள், உயர் ஸ்தானிகர்கள், இராஜதந்திரிகள் உட்பட முக்கியஸ்தர்கள் பலரும் கலந்துகொண்டு தேசிய தின நிகழ்வை சிறப்பிக்கவுள்ளனர். 

கொழும்பு காலிமுகத்திடல் உட்பட அதனை அண்டிய பிரதேசம் எங்கும் தேசியக்கொடிகள் பறக்கவிடப்பட்டுள்ளன. தேசியக் கொடியை சம்பிரதாய முறையில் ஏற்றி ஜனாதிபதி தேசிய தின பிரதான நிகழ்வை ஆரம்பித்து வைக்கவுள்ளார். இதனைத்தொடர்ந்து ஜனாதிபதி நாட்டு மக்களுக்கு விஷேட உரை நிகழ்த்தவுள்ளார். 

இம்முறையும் வழமைபோன்று தேசிய கீதம் சிங்களம் மற்றும் தமிழ் மொழிகளில் தமிழ், முஸ்லிம், சிங்கள, பாடசாலைகளின் மாணவ, மாணவிகளால் இசைக்கப்படவுள்ளது. ஜயமங்களகாதாவும் இசைக்கப்படவுள்ளது. படைவீரர்களின் மரியாதை அணிவகுப்பும், முப்படைவீரர்களின் பரசூட், கடல் மற்றும் வான் சாகசங்களும் பார்வையாளர்களைக் கவரும் வகையில் இடம்பெறவுள்ளன. 

பாதுகாப்பு மற்றும் சிவில் நிர்வாகத்தை பிரதிநிதித்துவப்படுத்தி ஜனாதிபதியின் செயலாளர் உதய ஆர். செனவிரட்ன, பிரதமரின் செயலாளர் சமன் ஏக்கநாயக்க, பாதுகாப்புச் செயலாளர் ஹேமசிறி பெர்னாண்டோ, பாதுகாப்புப் படைகளின் பிரதம அதிகாரி அட்மிரல் ரவீந்திர விஜேகுணவர்தன, இராணுவத் தளபதி லெப்டினன்ட் ஜெனரல் மஹேஷ் சேனாநாயக்க, கடற்படைத் தளபதி வைஸ் அட்மிரல் பியால் டி சில்வா, விமானப் படைத் தளபதி எயார் மார்ஷல் கபில ஜயம்பதி, பொலிஸ் மாஅதிபர் பூஜித் ஜயசுந்தர ஆகியோரும் தேசியதின நிகழ்வில் கலந்து கொள்ளவுள்ளனர். 

முன்னாள் இராணுவ ஊடகப் பேச்சாளரும் முல்லைத்தீவிலுள்ள இராணுவத்தின் 59 ஆவது படைப்பிரிவின் தற்போதைய கட்டளைத் தளபதியுமான மேஜர் ஜெனரல் ருவன் வணிகசூரிய தேசிய தின முப்படைபிரதான அணிவகுப்பின் கட்டளைத் தளபதியாகவும் இராணுவ கொமாண்டோ படையணியைச் சேர்ந்த பிரிகேடியர் பிரியந்த சேனாரத்ன இரண்டாவது கட்டளை அதிகாரியாகவும் செயற்படவுள்ளனர். 

இராணுவ அணிவகுப்பின் போது இராணுவம் ஆயுதங்கள், கனரக கவச வாகனங்கள், யுத்த தளபாடங்கள், உபகரணங்கள், ஆட்லறி, பீரங்கி தாங்கிய வாகனங்கள், மோப்பநாய்கள், பொறியியல் உபகரணங்கள் உட்பட யுத்தகாலத்தில் பயன்படுத்தப்பட்ட ஆயத தளபாடங்கள், உபகரணங்களும் இடம்பெறவுள்ளன. யுத்தத்தின் போது அங்கவீனமுற்ற முப்படை வீரர்களும் வாகனங்கள் மற்றும் சக்கர நாற்காலிகளில் அமர்ந்தவாறு அணிவகுத்துச் செல்லவுள்ளனர். 

விமானப் படையினரின் கபீர், கே 8, எப் 7 ரக தாக்குதல் விமானங்களும் சி 130, வை 12, பிரி 6 ரக விமானங்கள் மற்றும் பெல் 412, பெல் 212 எம்ஐ 17 ரக ஹெலிகொப்டர்களுமே சாகசங்களை காண்பித்தவாறு செல்லவுள்ளன.
இச் செய்தி பற்றி உங்கள் கருத்து Vanniexpressnews@gmail.com என்ற ஈமைல் முகவரிக்கு அனுப்பி வையுங்கள் | Vanni Express News இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு Vanni Express News நிருவாகம் பொறுப்பாளியல்ல. இதனைக்கருத்தில் கொண்டு கருத்துக்களை பதியவும்
Name

V.E.N.Media News,17,video,6,அரசியல்,4877,இஸ்லாமிய சிந்தனை,429,உதவி,15,உள்நாட்டு செய்திகள்,11151,கட்டுரைகள்,1394,கவிதைகள்,67,சினிமா,319,நேர்காணல்,6,மருத்துவ குறிப்பு,140,வாழ்த்துக்கள்,59,விசேட செய்திகள்,3251,விளையாட்டு,727,வினோதம்,158,வெளிநாட்டு செய்திகள்,2079,வேலைவாய்ப்பு,10,ஜனாஸா அறிவித்தல்,29,
ltr
item
Vanni Express News: கொழும்பு காலிமுகத்திடலில் நாளை 71 ஆவது தேசிய சுதந்திர தின வைபவம்
கொழும்பு காலிமுகத்திடலில் நாளை 71 ஆவது தேசிய சுதந்திர தின வைபவம்
https://2.bp.blogspot.com/-8VQakhvb9dg/XFbQ3VqAsUI/AAAAAAABTRg/-AtWqdCrviU5in2LSiQAdnq_CqaRS4UpACLcBGAs/s640/V.E.N.Media.jpg
https://2.bp.blogspot.com/-8VQakhvb9dg/XFbQ3VqAsUI/AAAAAAABTRg/-AtWqdCrviU5in2LSiQAdnq_CqaRS4UpACLcBGAs/s72-c/V.E.N.Media.jpg
Vanni Express News
http://www.vanniexpressnews.com/2019/02/71.html
http://www.vanniexpressnews.com/
http://www.vanniexpressnews.com/
http://www.vanniexpressnews.com/2019/02/71.html
true
3693659101688311337
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy