இலங்கையில் மூன்று நாளில் 23 பேர் பலி - இந்த மாதம் 105 பேர் பலி

இலங்கையில் கொவிட் தொற்றினால் உயிரிழப்போரின் எண்ணிக்கை கடந்த மூன்று தினங்களில் சடுதியாக அதிகரித்துள்ளதை அவதானிக்க முடிகின்றது.

இலங்கைக்கு கொவிட் தடுப்பூசி கொண்டுவரப்பட்ட கடந்த 28ம் திகதி, அரசாங்க தகவல் திணைக்களத்தினால் வெளியிடப்பட்ட அறிக்கையில், கொவிட் தொற்றினால் 8 பேர் உயிரிழந்துள்ளதாக அறிவிக்கப்பட்டிருந்தது.

அதனைத் தொடர்ந்து, 29ம் திகதி வெளியான அறிக்கையில் 7 பேரும், நேற்று (30) வெளியான அறிக்கையில் 8 பேரும் உயிரிழந்ததாக அறிவிக்கப்பட்டது.

அரசாங்க தகவல் திணைக்களத்தின் அறிக்கையில் பிரகாரம், கடந்த 3 தினங்களில் மாத்திரம் 23 பேர் உயிரிழந்துள்ளனர்.

அதேபோன்று, இந்த ஆண்டின் ஜனவரி மாதத்தில் இதுவரையான காலம் வரை 105திற்கும் அதிகமானோர் கொவிட் தொற்றில் உயிரிழந்துள்ளனர்.